303 №-li ümumi orta məktəb

Məktəbimizin fəxriHər il olduğu kimi bu il də Azərbaycan Republikası Təhsil Nazirliyinin və Fövqəladə Hallar Nazirliyinin birgə təşəbbüsü ilə keçirilən "Fövqəladə hallar uşaqların gözü ilə" uşaq yaradıcılıq müsabiqəsinə məktəbimizdə qoşulmuşdur. Müsabiqədə məktəbimizin 6-cı sinif şagirdi Zeynallı Arif Emin oğlunun çəkdiyi rəsm iştirakçılar arasında Respublika üzrə II yerə layiq görülmüşdür. Zeynallı Arif Emin oğlu 26.12.2019-cu il tarixdə keçirilən mükafatlandırma müsabiqəsində Azərbaycan Respublikası Təhsil Nazirliyinin və Fövqəladə Hallar Nazirliyinin fəxri fərman və diplomları ilə təltif olundu. Biz onunla fəxr edirik!

Məktəbimizin fəxrləriMəktəbimizdə təhsil alan şagirdlərin idmana marağı böyükdür. Belə olmasaydı bu gün biz onların qazandığı uğurlarla fəxr etməzdik. Gəlin diqqətimizi onların uğurlarına yönəldək. Qurbanov Sərxan Mehdi oğlu, Hümmətov Kamil Yaqub oğlu, Süleymanov Fərid Yalçın oğlu, Cabbarlı Sabir Cabir oğlu Bakı şəhəri Gənclər və İdman Baş İdarəsinin 14 yaş komandaları arasında keçirilən liqa çempionatının qalibləri kimi "Qızıl" medal və diplomla təltif olunmuşlar. Bakı şəhər Gənclər və İdman Baş İdarəsinin Kempo İKF- üzrə Bakı birinciliyində 30 kiloqram çəki üzrə keçirilən yarışda Kərimov Cəbrayıl Ələddin oğlu I yerə layiq görülmüş "Qızıl" medal və diplomla təltif olunmuşdur, həmçinin Xankişiyev Atamalı İlqar oğlu isə II və III yerə layiq görülərək "Gümüş" və "Bürünc" medal və diplomla təltif olunmuşdur.