"Dəyərlərimizi qoruyaq!" layihəsi
Milli-mənəvi dəyərlərimizin qorunması və zənginləşdirilməsi, təhsilalanların dəyərlərə məhəbbət ruhunda tərbiyə edilməsi məqsədi ilə "Dəyərlərimizi qoruyaq!" layihəsi çərçivəsində 15.03.2024-cü il tarixində məktəbimizin həyətyanı sahəsində Novruz şənliyi keçirildi. Məktəbin həyətyanı sahəsi Novruz bayramına uyğun bəzədilib. Şənlikdə şagirdlər Novruza aid xalq deyimləri, alqışlamalar, haxışdalar səsləndirdilər. Şagirdlərin ifasında şən mahnılar, rəqslər, Novruzun atributlarından olan kosa və keçəlin məzəli oyunları şənliyi daha da rövnəqləndirdi. "Yurdumuza yaz gəlir"adlı sərgi təşkil olundu. Şagirdlərin əl işlərindən və çəkdikləri rəsmlərdən ibarət sərgi müəllim və şagirdlər tərəfindən maraqla qarşılandı.
#Məktəb302 #DəyərlərimiziQoruyaq #BakuEduAz #BŞTİ #müəllim #şagird
