Görkəmli alim Zərifə xanım Əliyevanın anım günü
14 aprel 2017-ci il tarixdə Bakı şəhəri S,Məmmədov adına 301 nömrəli tam orta məktəbdə görkəmli oftalmoloq alim,Azərbaycanın əməkdar elm xadimi,Azərbaycan Milli Elmlər Akademiyasının akademiki Zərifə xanım Əliyevanın anım gününə həsr olunmuş tədbir keçirilmişdir.Tədbirdə çıxış edən məktəbin direktoru Məmməd müəllim Zərifə xanım haqqında danışdı.Onun gözəl insan olmasından,qayğıkeş ana olmaqla bərabər,peşakar həkim olmasından danışdı.Saysız-hesabsız xəstələrə şəfa verməsindən,elmi əsərlərindən və kəşflərindən söhbət açdı.Məktəbimizin tarix müəllimi Əcəb müəllim də çıxış edərək şəfa tapmış xəstələrin Zərifə xanım haqqında xatirələrindən danışdı.Həqiqətən belə bir sadə insan yalnız ulu öndər Heydər Əliyevin həyat yoldaşı Zərifə xanım ola bilərdi.Daha sonra Zərifə xanımın həyat və fəaliyyətindən bəhs edən video çarx göstərildi və şagirdlərimiz Zərifə xanıma həsr olunmuş şeirlər söylədilər.
