301 №-li tam orta məktəb

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində şagirdlər 18 oktyabr-Azərbaycanın Dövlət Müstəqilliyinin Bərpası Günü ilə əlaqədar məlumatlandırılıb.

30 il əvvəl oktyabrın 18-də Azərbaycanın müstəqilliyini bərpa etməsi şagirdlərin diqqətinə çatdırılıb. Həmçinin 1918-ci il mayın 28-də İstiqlal Bəyannaməsi ilə Azərbaycan Respublikasının dövlət müstəqilliyinin elan olunduğu, 1991-ci il oktyabrın 18-də isə “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Respublikasının dövlət müstəqilliyinin bərpa olunduğu nəzərə alınaraq mayın 28-nin Müstəqillik Günü, oktyabrın 18-nin isə Müstəqilliyin Bərpası Günü elan edilməsi ilə bağlı qəbul olunmuş qanun barədə məktəblilərə məlumat verilib.

Eyni zamanda ulu öndər Heydər Əliyevin Azərbaycan tarixində əvəzsiz xidmətləri, onun Azərbaycanda hakimiyyətə qayıtması ilə ölkənin bütün çətinliklərdən xilas olması barədə tarixi faktlar nəzərə çatdırılıb. Müstəqilliyimizin Prezident İlham Əliyevin rəhbərliyi ilə daha da möhkəmləndirilməsi və onun əbədiliyinin təmin edilməsi haqqında diskussiyalar təşkil olunub.

18.10.2021-ci il tarixində məktəbin UBTR-nin təşkilatçılığı ilə Azərbaycan Respublikasının müstəqilliyinin bərpa edilməsinin XXX il dönümü münasibətilə tədbir təşkil edilmişdir.Tədbir Azərbaycan Respublikasının Dövlət Himni ilə açıq elan olunmuşdur.Tarix müəllimi Əcəb Abdullayeva şagirdlərə müstəqillik gününün bərpası tarixindən bəhs etmişdir. Tədbirdə vətənpərvərlik mövzusunda şeirlər səsləndirilmiş, "Can Azərbaycan" , "Cümhuriyyət" mahnıları şagirdlər tərəfindən ifa olunmuşdur. Bundan əlavə olaraq şagirdlər "Qarabağ şikəstəsini" musiqi alətində ifa etmişlər. Tədbirin sonunda məktəb rəhbərliyi qeyd etmişdir ki, Azərbaycan xalqı 1991-ci ildən sonra ilk dəfə bu bayramı tam fərqli olaraq , öz ərazi bütövlüyünü bərpa etmiş xalq kimi qeyd edir. 
Müstəqilliyin əbədidir,dönməzdir,sarsılmazdır AZƏRBAYCAN!!!

Azərbaycan Respublikası Təhsil İnstitutu tərəfindən 2020/2021-ci tədris ili üzrə VI-VII sinif şagirdləri  arasında  Məktəblilərarası VI Fənn Müsabiqələri keçirilmişdir.Bu müsabiqədə öz uğurlarına görə məktəbin VIIb sinif şagirdi Həsənli Nigar informatika fənni üzrə III yer tutduğu üçün diplomla təltif edilmişdir. Şagirdimizi təbrik edirik və ona gələcək müsabiqələrdə uğurlar diləyirik.

15.10.2021-ci il tarixdə məktəbin "27 Sentyabr Anım Günü və 8 Noyabr Zəfər Günü" ilə bağlı Tədbirlər planına uyğun olaraq  şəhid  Yüksəl Əlizadə adına III ç sinif rəhbəri İlahə Həsənova tərəfindən Füzuli şəhərinin işğaldan azad olunduğu günlə əlaqədar sinifdaxili tədbir təşkil olunmuşdur. Tədbirin başlanğıcında Azərbaycan Respublikasının  Dövlət Himni səslənmiş və vətənin azadlığı uğrunda şəhid olmuş qəhrəman oğulların ruhu 1 dəqiqəlik sükutla yad edilmişdir. Müəllim tərəfindən şagirdlərə işğal dövründə Füzuli şəhərində mənfur düşmənlərin törətdiyi hadisələr barədə məlumatlar verilmişdir.

15.10.2021-ci il tarixdə məktəbin psixoloqu tərəfindən  "Narkomaniya bəşəriyyətin bəlasıdır" mövzusunda IX-XI sinif şagirdləri arasında maarifləndirici söhbət həyata keçirilmişdir. Söhbət zamanı şagirdlərə narkotik asılılığa səbəb olan yanlış düşüncələrdən, narkotik vasitələrin fəsadlarından və insan sağlamlığına, beyin fəaliyyətinə zərərli təsirlərindən bəhs olunmuşdur.