"Şən startlar" əyləncəli idman oyunu
31.05.2022-ci il tarixində məktəb rəhbərliyinin təşəbbüsü,fiziki tərbiyə müəllimlərinin təşkilatçılığı ilə Şəhid Ramiz Ağayevin əziz xatirəsinə həsr edilmiş V siniflər arasında "Şən startlar" əyləncəli idman oyunu keçirilmişdir.Yarışmada fəxri qonaq qismində Şəhid Ramiz Ağayevin ailə üzvləri,Vətən müharibəsi qəhrəmanı olan qazilərimiz, Binəqədi rayonu Gənclər və İdman İdarəsinin baş məsləhətçisi Quliyev Elvin,YAP Binəqədi rayon təşkilatı fəal gəncləri Əliyeva Əsmər,Əliyeva Şəms, "Murov" İdman Klubunun müəllimi Hacıyeva Bənövşə iştirak etmişlər.
6 oyundan ibarət olan yarışmada 64 şagird olmaqla 4 komanda yarışırdı."Hədəf","Zirvə","Qələbə","Zəfər" komandaları arasında keçirilən yarışda "Zirvə" komandası qalib gəlmiş və rəhbərlik tərəfindən kubok və diplomla təltif olunmuşdur.
Sonda rəhbərlik tərəfindən məktəbin gənc təsviri-incəsənət müəllimi Səmədova Firəngizin çəkdiyi şəhid Ramiz Ağayevin portreti şəhidin atasına təqdim olunmuşdur.
Yarışın keçirilməsində məqsəd yetişməkdə olan gənc nəslə vətənpərvərlik ruhu aşılamaq,şəhidlərimizin əziz xatirəsini daim uca tutmaq,sağlam böyüməsini təmin etməkdir.
