"Zəfər tarixi" konfransı keçirildi
20.05.2022-ci il tarixində Bakı Şəhəri üzrə Təhsil İdarəsinin F-146 nömrəli əmrinə əsasən məktəbin Zəfər tarixi fənnini tədris edən müəllimi Səmədov Azər tərəfindən IX siniflərlə interaktiv formada "Zəfər tarixi" konfransı təşkil olunmuşdur.Konfransda fəxri qonaq qismində Azərbaycan Silahlı Qüvvələrinin əsgəri,tankçı,Vətən Müharibəsi Qəhrəmanı Abdullazadə Azər Rizvan oğlu,məktəb rəhbərliyi,tarix müəllimləri iştirak etmişlər.
Bugünkü fəxri qonağımız olan Abdullazadə Azər 44 günlük Vətən müharibəsində igidlik və mərdlik nümayiş etdirməsinə görə Vətən Müharibəsi Qəhrəmanı adını almış 2 sıravi əsgərdən biridir.O, 2019-cu ilin aprelində hərbi xidmətə yollanıb.19 yaşlı tankçı düşmənin bir tankını,iki "UAZ"ını, 25 canlı qüvvəsini məhv edib,bir zirehli texnikasını isə qənimət götürüb.Qəhrəman əsgərimiz oktyabrın 11-də Cəbrayıl istiqamətində gedən döyüşlərdə gözündən yaralanıb.
Dövlətimiz tərəfindən şəhid ailələrinə və qazilərə olan diqqət ,qayğı danılmaz və qürurvericidir.Dövlətimiz tərəfindən xüsusi himayə ilə 14 dəfə əməliyyat olunan qazimizin şagirdlərə Vətən müharibəsində əsgərlərimizin göstərdiyi qəhrəmanlıqdan,özünün keçdiyi şərəfli döyüş yolundan bəhs etməsi onlarda böyük maraq yaratmışdır.Görüşün konfrans iştirakçıları və şagirdlərdə yaratdığı təəssürat sözlə ifadə edilməyəcək qədər dərin idi.
Dünən xarici ölkədən səfərdən qayıtmasına baxmayaraq, bu gün məktəbimizin dəvəti ilə konfransda sevə-sevə iştirak etmiş qazimizə məktəb kollektivi olaraq təşəkkür edirik.
