Pedaqoji Şura iclası keçirildi
16.06.2021-ci il tarixdə məktəbin rəhbərlik və müəllim heyətinin iştirakı ilə Microsoft Teams platforması üzərindən onlayn 2020-2021-ci tədris ilinə dair növbəti Pedaqoji Şura iclası keçirilmişdir.Pedaqoji Şura iclasında II yarımil qiymətləndirilməsinin təşkili, keçirilməsi,II yarımilin və illik qiymətləndirmənin nəticələri, "Yay məktəbi"ndə işin təşkili və cari məsələlər:müəllimlərin vaksinasiya olunması,elektron jurnala keçidlə bağlı müəllimlərin məlumatlandırılması barədə müzakirələr aparıldı. 2020-2021-ci tədris ilində məktəbdaxili və məktəbdənxaric keçirilən müsabiqələrdə iştirak edən şagirdlərin sihyahısı təqdim olundu və məktəbin əldə etdiyi uğurlar barədə məlumatlar verildi.Məktəbin rəhbərlik heyətinin illik hesabatları Pedaqoji Şura iştirakçıları tərəfindən dinlənildi.Sonda məktəb rəhbərliyi növbəti yay məzuniyyətinə çıxan müəllimlərə xoş istirahətlər dilədi və "Yay məktəbi"ndə işləyəcək müəllimlərə isə lazımi təlimatlarını və tövsiyyələrini verdi.
