"Mənim arzuladığım dünya" adlı asfalt üzərində rəsm müsabiqəsi
31 may 2021-ci il tarixində Binəqədi Rayon İcra Hakimiyyəti və Binəqədi rayon Gənclər və İdman İdarəsinin birgə təşkilatçılığı ilə 01 iyun-“Uşaqların Beynəlxalq Müdafiəsi Günü” münasibətilə Binəqədi rayon orta ümumtəhsil məktəblərinin şagirdləri arasında “Mənim arzuladığım dünya” mövzusunda asfalt üzərində rəsm müsabiqəsi keçirilmişdir. Müsabiqənin keçirilməsində məqsəd istedadlı yeniyetmə və gənclərin rəsm sahəsində öz yaradıcılıqlarını nümayiş etdirmək üçün şəraitin yaradılması və asudə vaxtın səmərəliliyinin təşkil olunmasıdır. Məktəbin VII b sinif şagirdi Nəbiyeva Fatimə müsabiqədə iştirak etmiş, “Təşəkkürnamə” ilə mükafatlandırılmışdır.
