"Qarabağ bizimdir!" adlı onlayn görüş
25.05.2021-ci il tarixində məktəbin Azərbaycan-dili və Ədəbiyyat müəllimi Əliyeva Samirə tərəfindən VI a sinfində "Qarabağ bizimdir" mövzusunda onlayn görüş keçirildi. Görüşün keçirilməsində məqsəd Azərbaycanın qədim və gözəl guşəsi olan Qarabağın əsrarəngiz gözəlliyi, zəngin mədəni irsi, dünyaəhəmiyyətli tarixi- mədəni abidələri haqqında şagirdlərin maarifləndirilməsi və onlarda Vətənə, torpağa məhəbbət hissinin aşılanmasından ibarətdir. Görüş zamanı xüsusi vurğulandı ki, uzun illər erməni vandallarının işğalına məruz qalmış Qarabağ torpaqları güclü ordumuz sayəsində öz azadlığına qovuşdu. Torpaq uğrunda canından keçmiş Şəhidlərimizin əziz xatirəsi yad edildi.Qarabağımızı azad edərək onlar bütün dünyaya sübut etdilər ki, Qarabağ Azərbaycan Respublikasının əzəli,əbədi torpağı,ayrılmaz tərkib hissəsidir.
#QarabağAzərbaycandır
