Məktəbin məzunu Avropa çempionu oldu
Məktəbin şagirdləri daim idmanın müxtəlif növlərinə maraq göstərmiş və bu yolda yüksək nəticələr əldə etmişdirlər. Məktəbin 2017-ci il məzunu Əliyev Zaur Şimali Makedoniyanın paytaxtı Skopyedə 23 yaşadək güləşçilər arasında keçirilən Avropa çempionatında iştirak etmiş, mübarizəyə 1/4 finaldan qoşulan məktəbin məzunu Rumıniyadan olan rəqibinə gücünü göstərərək yarımfinala yüksəlib. Rusiya pəhləvanıyla ağır mübarizə şəraitində keçən qarşılaşmadan da qalib ayrılan Əliyev adını finala yazdırmışdır. Zaur Əliyev həlledici görüşdə Türkiyə təmsilçisiylə üz-üzə gəlib. Gərgin mübarizə şəraitində keçən qarşılaşmada əzmkar qələbə qazanan həmyerlimiz Avropa çempionu olub. Məzunumuzu məktəb olaraq təbrik edir, uğurlarının davamlı olmasını diləyirik.
