Əlifba bayramı
Mart ayının 14-də S.Məmmədov adına 301 nömrəli tam orta məktəbdə 1 b sinfində “Əlifba Bayramı” keçirildi. Tədbir uşaqların ifasında səslənən Dövlət Himni ilə açıldı.Şagirdləri təbrik edən məktəbin direktoru Məmməd Səfərov uşaqlara gələcək təhsildə uğurlar arzuladı. Dövlətin uşaqlar üçün yaratdığı hərtərəfli şəraitdən söz açdı. Qeyd etdi ki, ulu öndərimiz H.Əliyevin layiqli davamçısı möhtərəm prezidentimiz İlham Əliyevin təhsilə böyük diqqətinin nəticəsidir ki, şagirdlər dünya standartlarının tələblərinə uyğun təhsil alırlar. Dərs hissə müdiri Təranə Paşayeva da bu fidan balalara xoş arzularını bildirdi. Bu təbriklərə sinif müəllimi Əkbərova Məburə və valideynlər də qoşuldular. Bayram 1 b sinif şagirdlərinin çıxışları ilə davam etdirildi. Bu yaxınlarda 90 illiyini qeyd etdiyimiz B.Vahabzadənin yaradıcılığna da geniş müraciət olunmuşdu. Onun şeirlərini və sözlərinə yazılmış mahnıları ifa olundu. Bayramdakı səhnəciklər : “Turpun nağılı” , “Dovşan və uşaq”, “Cücələrim”in səhnələşdirilmiş yeni təqdimatı , “Kosa ilə Keçəlin”məzəli oyunları tamaşaçılar da xoş təəssüratlar oyatdı. Uşaqların bu cür əhval ruhiyyəsi sanki baharın gəlişindən xəbər verirdi.
