IX sinif valideynləri ilə iclas
24.04.2021-ci il tarixdə məktəb rəhbərliyinin təşkilatçılığı ilə IX siniflər üzrə ümumi valideyn iclası keçirildi. İclasda valideynlərlə yanaşı həmin siniflərdə dərs deyən fənn müəllimləri də iştirak edirdilər. İclası giriş sözü ilə açan məktəbin rəhbəri bildirdi ki, IX sinif şagirdlərinin distant dərslərdə iştirakı və fənlər üzrə hazırlıq səviyyəsi həmişə məktəb rəhbərliyinin xüsusi diqqət mərkəzindədir.Bu məqsədlə müntəzəm olaraq əsas fənlər üzrə məktəbdaxili monitorinqlərin keçirilməsi öz müsbət nəticəsini verməkdədir. Buraxılış imtahanlarında yaxşı nəticə əldə etmələri üçün fənn müəllimləri şagirdlərə hər cür pedaqoji dəstəyi göstərməkdədirlər. Zəif oxuyan şagirdlərin əlavə onlayn məşğələlərə cəlb olunması bu fəaliyyətin əsas tərkib hissəsidir.Fənn müəllimləri Ş.Failə, Ə.Zərrubə, Q.Mətanət, R.İlkanə, A.Günay çıxış edərək qeyd olunan məsələlərlə bağlı fikir və rəylərini bildirdilər.Sonda valideynlər məktəb rəhbərliyi tərəfindən göstərilən dəstəyə görə müəllim heyətinə və rəhbərliyə öz təşəkkürlərini bildirdilər.
