Məzun şəhidlərin əziz xatirəsinə həsr olunmuş guşənin açılışı oldu
Birinci və ikinci Qarabağ müharibəsində qəhrəmanlıqla vuruşaraq şəhid olan igid oğulların arasında məktəbin üç məzunu da vardır. Onların şanlı həyat yolunu şagirdlərə örnək olaraq tanıtmaq üçün məktəbin foyesində xatirə guşəsi yaradılmışdır. Guşədə nümayiş olunan stenddə I Qarabağ müharibəsinin iştirakçısı Şəhid Seymur Məmmədov, II Qarabağ müharibəsi iştirakçıları şəhid, xüsusi təyinatlı hərbçi çavuş Ramiz Ağayev və Şəhid Nihad Rzaxanov haqqında məlumatlar və fotoşəkillər nümayiş olunur. Fevral ayının 18-də xatirə guşəsinin açılışı münasibətilə şəhid məzunların valideynləri məktəbə dəvət olundular. Məktəb rəhbəri Sevda Sarıyeva guşənin açılışında çıxış edərək şəhidlərin ruhuna dərin ehtiramını bildirdi və qeyd etdi ki, belə iğid oğulların həyat yolu, yüksək Vətən sevgisi böyüyən gənc nəsil üçün gözəl nümunədir. Görüşdə iştirak edən Şəhid valideynləri və doğmaları xatirə guşəsinin təşkil olunmasını minnətdarlıqla qarşıladılar.
