"Polad Həşimovu qürurla anırıq" adlı dərsdənkənar görüş
Məktəbin İbtidai sinif müəllimi Qurbanova Vüsalə rəhbərlik etdiyi IV c sinifi ilə sinifin böyük qürurla adını daşıdığı General-Polad Həşimovun əziz xatirəsini bütün həftəboyu (21.12.2020-ci il tarixdən 25.12.2020-ci il tarixədək) yad etdilər.Hər gün dərsin əvvəlində Şəhid generalın həyat yolu,keçdiyi qəhrəmanlıq yolu,onun haqqında doğmalarının,hərbiçilərin söylədiyi dəyərli fikirləri paylaşaraq təqdimat etdilər.Onun haqqında şeirlər söyləmiş,fotolar,videoçarxlar və müzakirələr etdilər.Bu gün “Polad Həşimovu qürurla anırıq” adlı dərsdənkənar görüş keçirildi.
Müəllim qeyd eləmişdir ki,”Biz sizə ölümü ilə döyüş ruhuna qığılcım olan,öz əsgərləri ilə termosdan çay içən,öz əsgərlərinə “balam” deyən,özü kirayə qala-qala dövlət tərəfindən ona bağışlanan mənzili şəhid ailəsinə bağışlayan,öz halal pulunu əsgər balalarına xərcləyən qeyrətli general,qeyrətli oğul –Milli qəhrəmanımız Polad İsrail oğlu Həşimovdan danışırıq.Allah bu qeyrətli Vətən oğluna rəhmət eləsin!Bizə qələbə sevinci yaşadan bütün Şəhidlərimizin qarşısında baş əyirik!”
