"Müzəffər ordumuzun zəfər yürüşü" adlı onlayn rəsm müsabiqəsi
Binəqədi Rayon İcra Hakimiyyəti və Binəqədi rayon Gənclər və İdman İdarəsi tərəfindən ikinci Qarabağ müharibəsi dövründə Azərbaycan Silahlı Qüvvələrinin əldə etdiyi qələbələrə həsr olunmuş "Müzəffər ordumuzun zəfər yürüşü" adlı onlayn rəsm müsabiqəsi keçirilmişdir.Müsabiqənin keçirilməsində məqsəd Qarabağ döyüşlərində qəhrəmanlıq göstərmiş vətən oğullarının tanıdılması, böyüməkdə olan gənc nəslin doğma vətənə sevgi, məhəbbət hisslərinin aşılanması , onlar arasında milli vətənpərvərlik ruhunun təbliğ olunması, ordumuzun möhtəşəm qələbələrinin əks etdirilməsi,işğaldan azad olunmuş şəhər və qəsəbələrimizin yeniyetmə və gənclərimiz tərəfindən tanınması, vətənin hər bir qarış torpağının bizim üçün əziz olmasının aşılanması, istedadlı şagirdlərin rəsm işi sahəsində öz yaradıcılıqlarını nümayiş etdirmək üçün şəraitin yaradılmasından ibarət olmuşdur.
Müsabiqədə məktəbin kiçik yaş qrupu üzrə IV C sinif şagirdi Quluzadə Əli II yerə layiq görülüb.IV Ç sinif şagirdi Quluzadə Hüseyn öz rəsm işi ilə fərqlənənlər siyahısında yer alıb.Şagirdlərimizi təbrik edirik.
