Bu gün Azərbaycanın birinci xanımı Mehriban Əliyevanın doğum günüdür.
Bu gün Azərbaycanın Birinci vitse-prezidenti, Heydər Əliyev Fondunun prezidenti, UNESKO və İSESKO-nun xoşməramlı səfiri Mehriban Əliyevanın doğum günüdür.
Mehriban Arif qızı Əliyeva 1964-cü ilin 26 avqustunda Bakı şəhərində anadan olub.
1982-ci ildə Bakı şəhəri 23 saylı orta məktəbi qızıl medalla bitirərək N. Nərimanov adına Azərbaycan Dövlət Tibb İnstitunu fərqlənmə diplomu ilə bitirib. 1988-1992-ci illər ərzində Moskvada akademik Krasnovun rəhbərliyi altında Göz xəstəlikləri Elmi-tədqiqat İnstitunda işləyib.
Mehriban Əliyeva sadəcə ölkənin birinci xanımı olaraq deyil, ümumiyyətlə bir vətəndaş, qadın, ana olaraq mövqeyini ortaya qoyaraq Azərbaycan məkanı üçün çox böyük işlər görüb və bu işlərin altına öz imzasını atıb. Mehriban Əliyeva bu gün Azərbaycanı bütün dünyada çox yüksək səviyyədə təbliğ edən bir xanımdır. Onun timsalında bu gün dünya ictimaiyyəti və ölkələri Azərbaycan qadınının kimliyinə, onun xarici gözəlliyinə və daxili zənginliyinə bələd olurlar.
Mehriban Əliyeva Azərbaycan Respublikasında mədəniyyətin, təhsilin, səhiyyənin və idmanın inkişafında səmərəli fəaliyyətinə, Azərbaycan xalqının mədəni irsinin beynəlxalq geniş təbliğinə və birinci Avropa Oyunlarının təşkilində böyük xidmətlərinə görə "Heydər Əliyev" ordeni ilə təltif edilib.
Biz də məktəbimizin adından Azərbaycanın birinci xanımı, Heydər Əliyev Fondunun prezidenti Mehriban Əliyevanı ad günü mübasibətilə təbrik edir, ona can sağlığı, xoşbəxtlik, firavanlıq və Azərbaycan xalqının rifahı naminə çoxşaxəli və mühüm işində uğurlar arzulayırıq.
