Məktəb rəhbərliyinin və pedaqoji heyətin məzunlara "Son zəng" təbriki
"Əziz məzunlar!"
Sizi, müəllim və valideynlərinizi bu unudulmaz gün münasibəti ilə təbrik edir, ən xoş arzularımızı bildiririk!
Siz bu gündən həyatınızın tamamilə yeni dövrünə qədəm qoyursunuz. Ciddi qərarlar qəbul etmək, peşə seçimini dəqiqləşdirmək astanasındasınız. Seçəcəyiniz yol həyatınızın böyük hissəsini müəyyən edəcək. Məktəbdə öyrəndiyiniz bilik və bacarıqlar, fəal vətəndaş mövqeyi və dəyərlər bu yolda sizə zəruri dəstək verəcək. Siz özünütəsdiq inamınızla arzuladığınız gələcəyi quracaq, ölkəmizin adına layiq vətəndaş və mütəxəssis olacaqsınız. Sizin hər biriniz Azərbaycan üçün dəyərli və əvəzolunmazsınız!
