Üç Alov - Onlayn Beynəlxalq Yaradıcılıq Festivalı
Azərbaycan Respublikası Təhsil Nazirliyi Respublika Uşaq Gənclər İnkişaf Mərkəzi tərəfindən "Üç Alov" adlı uşaq və gənclərin onlayn Beynəlxalq yaradıcılıq festivalı təşkil edilmişdir. "Üç Alov" onlayn Beynəlxalq, Folklor, Klassik və Müasir yaradıcılıq festivalının əsas məqsədi uşaq, yeniyetmə və gənclərin bədii-estetik səviyyəsini yüksəltmək, mədəni həyat tərzininin formalaşdırılması, milli-mənəvi inkişafı, istedadların üzə çıxarılması, mədəni irsimizin qorunması, musiqi mədəniyyətinin inkişafının təmin edilməsi, bu sahədə onların bilik və bacarıqlarının genişləndirilməsi və artırılması, folklor, klassik və müasir istiqamətlərdə yaradıcılığın bütün sahələri üzrə istedadlı uşaq və gənclərin üzə çıxarılması, onların qabiliyyətlərinin, inkişaf etdirilməsinə dəstək olmaqdan ibarət olmuşdur. Festivalın əsas vəzifəsi isə karantin rejimi ilə əlaqədar olaraq uşaq və gənclərin asudə vaxtlarını səmərəli təşkil etmək, çoxmillətli Azərbaycan mədəniyyəti və xarici ölkələrin adət - ənənələrinin qorunub saxlanması və inkişafı, kollektiv, rəhbərlər və müəllimlər arasında təcrübə mübadiləsi, daimi yaradıcı əlaqələrin dəstəklənməsi, dünyada müasir Azərbaycanın tanıdılması və zəngin Azərbaycan mədəni irsi ilə tanış olmaq olmuşdur.
Məktəbin şagirdləri də, bu müsabiqədə fəal iştirak etmiş və qaliblər sırasına adlarını yazdırmağa müvəffəq olmuşlar.
