Bugün Zərifə xanım Əliyevanın Doğum Günüdür
28 Aprel tarixi görkəmli oftalmoloq alim, akademik Zərifə xanım Əliyevanın doğum günüdür. Zərifə Əziz qızı Əliyeva 1923-cü il aprelin 28-də Şərur rayonunun Şahtaxtı kəndində anadan olmuşdur. Zərifə xanım Əliyevanın Azərbaycanda oftalmologiya elminin inkişafında müstəsna xidmətləri var. O, Azərbaycanda yüksək ixtisaslı səhiyyə kadrları hazırlanmasına böyük əmək sərf edib.
Akademik Zərifə Əliyeva çoxsaylı elm əsərlərinin, monoqrafiya, səmərələşdirici təklif və dərs vəsaitlərinin müəllifi olub. Görkəmli alim gənc nəslin təlim-tərbiyəsində, yüksək səviyyəli həkim - oftalmoloqların yetişdirilməsində böyük xidmətlər göstərib.
Zərifə xanım əsl ana, vəfalı ömür-gün yoldaşı, ailəsinə qəlbdən bağlı olan nəcib Azərbaycan qadını idi. Onun Azərbaycanda oftalmologiya elminin inkişafına göstərdiyi misilsiz xidmətləri məktəbin müxtəlif siniflərində keçilmiş onlayn dərslər zamanı şagirdlərin diqqətinə çatdırılmışdır.
