AXC-nin süqutundan 100 il ötür
27 Aprel Azərbaycan dövlətçilik tarixinə öz adını qızıl hərflərlə yazmış Azərbaycan Xalq Cümhuriyyətinin süqutu günüdür. Bugün Azərbaycan Xalq Cümhuriyyətinin süqutundan 100 il ötür. Cəmi 23 ay yaşamasına baxmayaraq zəngin və şərəfli bir ömür yolu sürən Azərbaycan Xalq Cümhuriyyəti Azərbaycan tarixinə öz adını qızıl hərflərlə həkk etməyi bacarmışdır.
1920-ci ilin 27 aprelində bolşevik Rusiyasının silahlı qüvvələri - başda XI Ordu olmaqla Azərbaycan sərhədlərini keçib müstəqil bir dövlətin ərazisini işğal etdilər. Qanlı çar istibdadının yerini bu dəfə ondan daha qanlı bolşevik istibdadı tutdu. Məktəbimizin müəllimləri tərəfindən təşkil edilmiş onlayn dərslər zamanı Azərbaycan Xalq Cümhuriyyətinin keçdiyi şərəfli ömür yolu haqqında şagirdlərə ətraflı məlumat verilmiş və Azərbaycan Xalq Cümhuriyyətinin süqutu böyük təəssüf hissi ilə qeyd edilmişdir.
