Onlayn Rəsm Müsabiqəsi
Azərbaycan Respublikası Təhsil Nazirliyi 1 nömrəli Uşaq-Gənclər İnkişaf Mərkəzi tərəfindən "Biz birlikdə güclüyük" mövzusunda onlayn respublika rəsm müsabiqəsi təşkil edilmişdir. Rəsm müsabiqəsinin təşkilində əsas məqsəd məktəblilərin ölkə başçısının "Biz birlikdə güclüyük" şüarına dəstək olmaq, ölkəmizdə yeni koronavirus (COVİD-19) infeksiyası ilə bağlı tətbiq edilən karantin rejimi ilə əlaqədar uşaqların ev şəraitində asudə vaxtını səmərəli və faydalı təşkil etmək, evdə olduqları müddətdə öz yaradıcılıqlarını inkişaf etdirmək və istedadlı uşaqları üzə çıxarmaqdan ibarətdir. Məktəbin şagirdləri də bu müsabiqədə xüsusi fəallıqla iştirak etmiş və gözəl rəsm nümunələri hazırlayaraq müsabiqəyə təqdim etmişlər.
