Gəlin sağlamlığımızı birlikdə qoruyaq
Sağlamlıq insanın ən dəyərli sərvətidir. Belə çətin bir şəraitdə insanın başlıca vəzifəsi bu ən dəyərli sərvəti qorumaq və ona lazım olan qayğını göstərməkdir. Məktəbin tərbiyə işləri üzrə direktor müavini Pərvanə Şabanova və UBR Səlimə Mustafayevanın təşəbbüsü, tibb bacısı Günəş Sultanovanın təşkilatçılığı ilə Zoom proqramından istifadə etməklə, Vb sinif şagirdlərinin iştirak etdiyi "Gəlin sağlamlığımızı Birlikdə Qoruyaq" adlı onlayn müzakirə təşkil edildi. Müzakirəni təşkil etməkdə məqsəd gigiyenik qaydalara xüsusi olaraq əməl etməli olduğumuz bu günlərdə şagirdlərə dəyərli məsləhətlər verməkdən ibarət olmuşdur.
