21 fevral ana dili günüdür
21 fevral tarixdə məktəbdə "Ana dili günü" ilə bağlı tədbir təşkil edildi. Tədbir Xəlil Rza Ulutürkün "Mənim dilim" şeirinin kompozisiyası ilə başlandı. Azərbaycan dili və ədəbiyyat müəllimi Mirzəyeva Safurə bu günün tarixi ilə bağlı çıxış etdi. Şagirdlərin ifasında ana dilinə həsr olunmuş şeirlər səsləndi, mahnılar ifa olundu. "Ana dili hər bir millətin milli birliyini təsdiq edən vasitədir. Dil millətimizin mənəvi birliyidir. Ana dilimizin varlığı xalqımızın varlığı deməkdir" fikirləri səsləndi. Məktəbin Azərbaycan dili və ədəbiyyat müəllimi Güliyeva Aidə və Xa sinif şagirdlərinin C.Məmmədquluzadənin "Anamın kitabı" əsərindən sonuncu hissənin səhnələşdirilməsi tədbir iştirakçılarında duyğulu anlar yaratdı. Tədbir bayram əhval-ruhiyyəsi ilə sona çatdı. Sonda məktəb rəhbərliyi çıxış edərək tədbirin hazırlanmasında əməyi keçən hər kəsə minnətdarlığını bildirdi.
