301 №-li tam orta məktəb

          Məktəbin X^a sinif şagirdi 2004-cü il təvəllüdlü Əliyev Telman Fərman oğlu Karate üzrə 55 kq çəki dərəcəsində böyük nailiyyətlər əldə etmiş, diplom, sertifikat, medal və kuboklarla təltif olunmuşdur. Telman 2013-cü ildən etibarən keçirilmiş yarışlarda fəal iştirak etmiş və bir çox uğurlar əldə etmişdir. 04.12.2017-ci il tarixdə Bakı Əl Oyunları İdman sarayında keçirilmiş Karate üzrə Dünya çempionatında I yer, 11.02.2018-ci il tarixdə Dünya Karate təşkilatının Bakıda təşkil etdiyi çempionatda I yer tutduğuna görə diplomla təltif edilmiş, 05-07.10.2018-ci il tarixdə Türkiyədə keçirilmiş Avropa çempionatında I yer tutduğuna görə həm diplom həm sertifikatla təltif olunmuşdur. 08-10.02.2019-cu il tarixdə İran İslam Respublikası Karate Federasiyası V Beynəlxalq çempionatında I yer, 01.12.2019-cu il tarixdə AFC-nin təşkil etdiyi Açıq Azərbaycan Turnirində I yer tutduğuna görə diplom və kubokla təltif edilmişdir. 14-15.12.2019-cu il tarixdə Heydər Əliyevin anım günü ilə bağlı Bakıda təşkil edilmiş Dünya Kubokunda I yer tutduğuna görə diplomla təltif  olunmuşdur. Bununla yanaşı 1 iyun Uşaqların Beynəlxalq Müdafiəsi Günü münasibəti ilə "Mənim səsim - mənim hüquqlarım: Parlamentdə müzakirə" mövzusunda keçirilən tədbirdə fəal iştirakına görə Azərbaycan Respublikasının Milli Məclisinin sədr müavini Bahar Muradova tərəfindən diploma layiq görülmüşdür.