3c sinfində "31 Dekabr - Dünya Azərbaycanlılarının Həmrəylik Günü" nə həsr edilmiş tədbir
28.12.2019 - cu il tarixdə 3c sinfində "31 Dekabr - Dünya Azərbaycanlılarının Həmrəylik Günü" münasibətilə tədbir keçirildi. Tədbir Azərbaycan Respublikasının Dövlət Himni ilə başladı. Ulu öndər Heydər Əliyevin "Hər bir xalqın milli mənsubiyyəti onun qürur mənbəyidir. Mən həmişə fəxr etmişəm, bu gün də fəxr edirəm ki, mən azərbaycanlıyam" sözləri olan videoçarx nümayiş olundu.
Aparıcı tədbir iştirakçılarını salamladıqdan sonra sinif rəhbəri Qurbanova Vüsalə 31 Dekabr - Həmrəylik Günü ilə əlaqədar məruzə ilə çıxış etdi. Həmçinin hamını Həmrəylik günü və Yeni il münasibətilə təbrik etdi. 3c sinif şagirdlərinin ifasında "İgid əsgər" mahnısı səsləndi. Şagirdlər şeir töhvələrini təqdim etdi. Həmçinin şagirdlər 3 dildə: Azərbaycan, rus, və ingilis dillərində Yeni ilə aid şeirlər söylədilər. Şagirdlər "Yaşa, yaşa Azərbaycan!" mahnısı ifa etdilər. Sinif qızlarının ifasında "Yeni il nəğməsi sədaları altında, Qar dənəciklərinin rəqsi" nümayiş olundu. Müəllimin və qonaqların çıxışından sonra tədbir yekunlaşdırıldı.
