6 - 14 yaşlı uşaqlar “Bilim Bakı Mərkəzi"ndə
Binəqədi rayonu Rüstəm Əliyev adına 3 nömrəli tam orta məktəbin şagirdləri “Bilim Bakı Mərkəzi"ndə olmuşlar. Mərkəz 6-14 yaşlı şagirdlərin elmə, innovasiyaya olan marağının formalaşdırılması, həmin şagirdlərin kiçik yaşlarından maraq dairəsinə uyğun olan sahələrin inkişaf etdirilməsinə dəstək göstərir. Mərkəzdə keçirilən təlimlərdə mövzuların hər biri uşaqların yaş qruplarına, dünya görüşünə və məktəb dərslərinə uyğun olaraq formalaşdırılır. Təlimlər 6 fərqli laboratoriyalarda: Sahibkarlıq, Astronomiya, kosmos və aviasiya, Riyaziyyat, Dizayn, Təbiət elmləri və Texnologiya laboratoriyalarında keçirilir.
