Qarabağ torpağını bizə hədiyyə gətirdilər
Bu gün məktəbimizə, çox dəyərli həmkarlarımızı Müəllimlər günü münasibəti ilə təbrikə gələnlər, gözəl bir hədiyyə gətirdilər. Bu hədiyyə o qədər zəngin, o qədər dəyərli və o qədər böyük idi ki, onu qucağa sığışdıra bilmədik. Qarabağı bizə qaytaran məzunlarımızdan igidlərimiz gəldilər. Qarabağ torpağını bizə hədiyyə gətirdilər.
Sinif- sinif gəzib bir-bir dərs deyən müəllimlərini təbrik etdilər. Bu gülləri də sizin üçün gətiriblər, əsl ləyaqətli və vətənpərvər şagird yetişdirən 3 nömrəli məktəbin müəllimləri. Bu güllər sizindir.
