Yeni tədris ilimiz mübarək !
22.09.2021-cil il tarixində yeni tədris ilində məktəbimizin ilk zəngi çalındı. Birincilərimiz və ibtidai sinifdə təhsil alan şagirdlərimizin ilk zəngində Qarabağı bizə qaytaran məzunlarımızdan Elmira müəllimin oğlu Kamran və tarix müəllimimizin oğlu Vüsatı dəvət etdik. Onların iştirakı ilk zəng tədbirimizə böyük dəyər qatdı. Məktəbimizin önündəki bayrağımızı qaldıran da onlar oldu. Qarabağımızda bu işi şərəflə yerinə yetirmiş, canı, qanı bahasıyla vuruşub torpağımızda ucaldan mərd oğul Vüsat və Kamrana birincilərimiz üçün təkrar bayrağı ucaltdıqları üçün minnətdarlığımız sonsuzdur . Birincilərimizin ilk zənginin çalınması da məhz onlara həvalə olundu.
Zəfər soraqlı, Qələbə sevincli, Cəngi sədalı, Xudayar təsnifli tədris ilimizin ilk zəngi vuruldu. Yeni tədris ilimiz mübarək olsun...!!!
