“Ölkəmizi tanıyaq” tur-aksiyasının 8-ci mərhələsinə start verilib. Qeyd edək ki, bu il noyabrın 11-14 və 16-19 tarixlərini əhatə edəcək 8-ci tur-aksiyada 4 istiqamət üzrə 76 şəhər və rayondan, o cümlədən məcburi köçkün rayonlarından, ümumilikdə, 3213 nəfər iştirak edəcək.Layihənin əsas məqsədi şagirdləri ölkəmizin müxtəlif bölgələrinin müasir həyatı, tarixi, mədəni irsi, adət-ənənələri ilə tanış etməkdir. 279 nömrəli məktəb də öz nümunəvi şagirdi ilə həmin layihədə iştirak edir. 11-ci sinif şagirdi Akif ölkə rəhbərinin gənclərə diqqət və qayğısından məmnunluq hissi duyduğunu vurğulayıb.