Milli Qəhrəmanın 50 illik yubileyi
Vətənin azadlığı, xalqımızın rifahı yolunda canlarından keçmiş şəhidlərimizin xatirəsini əziz tutmaq, onların həyat və döyüş yoluna işıq tutaraq gənc nəslə çatdırmaq hər bir müəllimin başlıca vəzifəsidir. Elə bu məqsədlə ibtidai sinif müəllimi Günel Balayevanın rəhbəri olduğu 3 “F” sinfində Milli Qəhrəman Kazım Məmmədovun 50 illik yubileyi qeyd edildi. Öz vəzifəsini layiqincə yerinə yetirən, Qarabağ döyüşlərində şəhid olan Milli Qəhrəmanın göstərdiyi şücaət, əsl vətənpərvərlik bir nümunə olaraq şagirdlərə təqdim edildi. Daha sonra şagirdlər səsləndirdikləri şeir parçaları ilə vətənə olan sevgi hisslərini nümayiş etdirdilər.
