Beynəlxalq Lal-kar Günü
Bu gün əlamətdar günlərdən biri olan Beynəlxalq Lal-kar Günü məktəbimizin muzeyində qeyd edilib. Sayılıb-seçilən biologiya müəllimi Aytən Cəbiyevanın təqdimatında hazırlanan Beynəlxalq Lal-kar Günü müəllimin ifa etdiyi dahi bestəkar Bethovenin müsiqisi ilə açıq elan edilib. Daha sonra şagirdlərin ifasında kiçik bir səhnəcik izlənilib. Şagirdlər lal dilində müxtəlif jestlərlə danışaraq lal-kar insanların daxili aləminə səyahət etməyi bacarıblar. Tədbirin sonrakı mərhələsi şagirdlər tərəfindən hazırlanan təqdimatlarla zənginləşib. Belə ki, onlar tarixə nəzər salaraq fiziki qüsurlu dahi şəxsiyyətlər haqqında qısa monoloqla çıxış ediblər. Məşhur heykəltəraş Klod Andre Desen, yazıçı Viktor Hüqo, Jan Jak Russo, bəstəkar Bethoven və başqalarının həyat və yaradıcılıq yolu haqqında hazırladıqları informasiyaları təqdim ediblər. Sonda fiziki qüsurlu azərbaycanlı cüdoçumuz Ilham Zəkiyevin Tokionun Kodokan muzeyində portretinin olduğunu söyləyərək öz sevinc və fərəh hisslərini bir-birləri ilə bölüşüblər.
Direktor müavini Rəna Əbilova, UBTR Afaq Səfərova və kitabxana müdiri Aygün Fətullayeva tərəfindən izlənən tədbir maraqla qarşılanıb.