Səməd Mərdanovun 110 illik yubileyi
Milli kino sənətimizin inkişafında əhəmiyyətli xidmətləri olmuş görkəmli kinorejissor Səməd Mərdanovun 110 illik yubileyi münasibəti ilə keçirilən “Dəyirmi masa” məktəbimizin muzeyində baş tutub. Azərbaycan dili və ədəbiyyat fənnini şagirdlərə sevdirərək tədris edən Sədaqət İsgəndərovanın təqdimatında həyata keçən “Dəyirmi masa”da 7 “D” sinif şagirdləri iştirak etiblər. Onlar kinorejissorun keçdiyi həyat yolu, kino sahəsində gördüyü işlər haqqında geniş söhbət aparıblar. Qeyd ediblər ki, Mərdanov ilk sovet kinokomediyalarından olan "Mavi dənizin sahilində” filminin rejissorudur. Onun “Kəndlilər” tarixi-inqilabi bədii filmi Azərbaycan kinosunun qızıl fonduna daxildir. 29 yaşında vəfat etməsinə baxmayaraq Mərdanovun yaradıcılığı milli kino sənətinin inkişafına təsir göstərmişdir.
“Dəyirmi masa” direktor müavini Rəna Əbilova və UBTR Afaq Səfərova tərəfindən izlənildi.
