Məzunlarla görüş
2019-cu il ali məktəb imtahanlarında yüksək bal toplamış məzunlarla görüş keçirilib. Görüş Suraxanı Rayon İcra Hakimiyyətinin binasında baş tutub. Tədbiri giriş sözü ilə açan Suraxanı Rayon İcra Hakimiyyətinin başçısı İlqar Abbasov ilk öncə məzunları təbrik etib. Ölkə rəhbərinin təhsilə olan diqqət və qayğısından danışıb. Qızıl güllərlə qarşılanan məzunlar çıxış zamanı valideynlərinə, müəllimlərinə minnətdarlıq hisslərini ifadə etiblər. Daha sonra Aprel döyüşləri iştirakçısı Elşən Qarayevə söz verilib. O, öz çıxışında məzunları vətənpərvər ruhda böyüməyə səsləyib. Tədbirin sonunda akademik Vaqif Əsədov, millət vəkili Ağacan Abıyev çıxış edərək məzunlara və məzun valideynlərinə öz təbriklərini ünvanlayıblar. Tədbir məzunların fəxri fərman və müxtəlif hədiyyələrlə mükafatlandırma mərasimi ilə başa çatıb.