Olimpiya oyunları
Bakı Şəhəri üzrə Təhsil İdarəsinin F-90 nömrəli əmri ilə təsdiq olunmuş "Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında" Təhsil Nazirliyinin 2019-cu il üçün Fəaliyyət Planı əsasında hazırlanmış birgə İş Planına əsasən məktəbimizdə növbəti mühazirə baş tutub. Mühazirə fiziki tərbiyə müəllimi Vasif Ələkbərovun təşkilatçılığı ilə həyata keçirilib. Mühazirədə 6 “b” sinif şagirdləri iştirak ediblər. Mühazirə "Azərbaycan idmançılarının Olimpiya oyunlarında, dünya və Avropa birinciliyində qazandıqları qələbələr" mövzusunda qurulmuşdu. Vasif müəllim Olimpiya oyunlarının tarixi, Azərbaycan idmançılarının həmin oyunlarda qazandıqları uğurlar haqqında məlumat verib. Həmçinin slaydlar vasitəsilə idmançılarımızın iştirak etdikləri yarışlar, əldə etdikləri nailiyyətlər şagirdlərə nümayiş etdirilib. Direktor Abdullayeva Südabə , direktor müavinləri Əbilova Rəna, Qasımova Qızbəs və UBTR Səfərova Afaq tərəfindən izlənilən mühazirə qənaətbəxş hesab olunub.
