Nəcəf bəy Vəzirovun 165 illiyi
Görkəmli dramaturq Nəcəf bəy Vəzirovun 165 illiyi 8 “A” sinfində qeyd olundu. Dərsi giriş sözü ilə Azərbaycan dili və ədəbiyyat müəllimi Qasımova Rəfiqə açdı. Dərsdə qeyd olundu ki, Nəcəf bəy Vəzirovun dramaturgiyanın inkişafında, onun bədii sənətkarlıq keyfiyyətlərinin zənginləşdirilməsində, milli teatrın yaradılmasında və inkişafında müstəsna rolu vardır. Bütün ictimai fəaliyyəti və ədəbi yaradıcılığı ilə milli azadlıq hərakatına yaxından kömək göstərən Nəcəf bəy Vəzirov Azərbaycan ədəbiyyatında faciə janrının əsasını qoymuşdur. Şagirdlər Vəzirovun əsərlərindən nümunələr gətirməklə onun yaradıcılığını müzakirə obyektinə çevirdilər. Dərsdə direktor müavini Təranə Hadıyeva və 8 "A" sinfinin sinif rəhbəri Ofelya Musayeva da iştirak etdi.