Ümumdünya Sağlamlıq günü
Təhsil Nazirliyinin 2019-cu il üçün fəaliyyət planına əsasən hazırlanmış birgə iş Planına əsasən 2.3. Sağlamhəyat tərzinin təbliği və təşviqini rəhbər tutaraq Bakı Dövlət Üniversitetinin Pedaqogika kafedrasının dissertantı Qədimli Rəqsanə müəllimin təşkilatçılığı ilə 7 aprel Ümumdünya Sağlamlıq gününə həsr olunmuş tədbir təşkil olundu. Bir qrup şagird heyətinin iştirakı ilə təqdim olunan tədbir maarifləndirici mövqeyini qoruyub saxladı. “Sağlam bədəndə sağlam ruh” devizi altında açıq elan edilən tədbirdə şagirdlər gözəl bir səhnəciklə çıxış etdilər. Sağlam və zərərli qidalarların həyatımızdakı rolundan bəhs edilən səhnəcik isə maraqlı görüntülərlə yadda qaldı. Daha sonra mövzuyla bağlı slayd nümayiş olundu. Məktəbin həkimi Mafilə xanımın müxtəlif maarifləndirici faktlarla zənginləşmiş çıxışı dinləyicilərdə maraq oyada bildi.
Tədbir direktor Abdullayeva Südabə müəllimin çıxışı ilə sona çatdı.
