Milli-mənəvi dəyərlərimiz tarixi sərvətimizdir
"Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında" Təhsil Nazirliyinin 2019-cu il üçün Fəaliyyət planının 2.2.1. "Milli-mənəvi dəyərlərimiz tarixi sərvətimizdir" bəndinə əsasən İbtidai sinif müəllimi S. Mahmudovanın təşkilatçılığı ilə hazırlanan, məktəbin akt zalında baş tutan tədbir maraqlı görüntülərlə yadda qalıb. 3 ”D” sinfinin iştirakı ilə keçirilən tədbirdə şagirdlər Novruz bayramında tətbiq olunan milli adət-ənənələrin təbliğini maraqlı səhnələrlə nümayiş etdiriblər. Keçəl, kosa, yumurta döyüşü, qapıpusma kimi ənənələri səhnələşdirən şagirdlər öz obrazlarını layiqincə yerinə yetiriblər. Direktor A. Südabə müəllim və pedaqoji heyət tərəfindən izlənilən tədbir maarifləndirici mövqeyini sonadək qoruyub.
