Xocalı abidəsi ziyarət edilib.
Azərbaycan Respublikası Təhsil nazirinin 12.02.2019-cu il tarixli, F-78 nömrəli “Təhsil müəssisələrində Xocalı soyqırımının iyirmi yeddinci ildönümünün keçirilməsi barədə” əmrinin icrasını təmin etmək, ölkəmizin müstəqilliyi uğrunda mübarizədə canlarını qurban vermiş vətən evladlarını yad etmək, böyüməkdə olan nəslə doğma vətənə sevgi, məhəbbət hisslərini aşılamaq, məktəblilər arasında milli vətənpərvərlik ruhunu yüksəltmək və Xocalı soyqırımı haqqında həqiqətləri çatdırmaq məqsədi ilə 23.02.2019-cu il tarixində məktəbimizin ibtidai sinif müəllimi olan Süleymanova Sevda müəllimin təşkilatçılığı, 1 "A" sinif şagirdlərinin iştirakı ilə Xocalı abidəsinə ziyarət təşkil olunmuşdur. Şagirdlər həmçinin Xocalı soyqrımı zamanı mübarizlik göstərmiş peşəkar jurnalist Çingiz Mustafayevin də qəbrini ziyarət etdiriblər. Xocalı şəhidlərinə həsr edilmiş müxtəlif şeir parçaları ilə onların ruhunu yad ediblər.
