"Kərpickəsən kişinin nağılı"
Bu dəfə məktəbimizin kitabxanasında dahi şairimiz Nizami Gəncəvinin həyat və yaradıcılığı ilə bağlı müzakirə təşkil edildi. İbtidai sinif müəllimi Südabə Mahmudovanın təşkilatçılığı ilə hazırlanan tədbir 3 ”D” sinfinin iştirakı ilə keçirildi. Şagirdlər əvvəlcə şairin yaradıcılığından şeir nümunələri səsləndirdilər. Daha sonra “Kərpickəsən kişinin nağılı” hekayəsi əsasında səhnəcik nümayiş etdirildi. Onlar xüsusi geyimlərdə obrazların dili ilə çıxış etdilər. Hekayənin tərbiyəvi, nümunəvi nəticəsini ön plana çəkdilər.
Dərsi direktor Südabə Abdullayeva və ibtidai sinif müəllimləri maraqla izlədilər.
