"Bacarıqlı əllər"in əl işləri
Məktəbimizdə incəsənət, musiqi, əmək, idman və başqa sahələr üzrə dərnəklər fəaliyyət göstərir. Məqsəd xüsusi qabiliyyət tələb edən sahələrdə istedadlı uşaqların aşkara çıxarılması, bilik və bacarıqlarının inkişaf etdirilməsidir. Bu günlərdə “Gənc rəssamlar” dərnəyinin və əmək müəllimlərinin “Bacarıqlı əllər” birgə layihəsi əsasında təşkil edilmiş əl işləri nümayiş etdirildi. Şagirdlərin əl işləri Dünya Azərbaycanlılarının Həmrəylik Gününə və Yeni il mövzusuna həsr edilmişdi. Uşaqların hazırladıqları şam ağacının qozaları daha çox diqqəti cəlb etdi. Sərgi bütövlükdə böyük marağa səbəb oldu.
