11-ci sinif şagirdlərinin valideynləri ilə görüş
13 dekabrda məktəbin akt zalında 11-ci siniflərin valideynləri ilə görüş keçirildi. Görüşdə valideynlərlə yanaşı, məktəb rəhbərliyi və həmin siniflərdə dərs deyən fənn müəllimləri də iştirak edirdilər. Görüşün əsas mövzusu şagirdlərin dərsə davamiyyəti məsələsi idi. Həmçinin uşaqların dərslərə hazırlığı, təlim nailiyyətlərinin səviyyəsi də ətraflı müzakirə edildi. Valideynlərlə geniş fikir mübadiləsi göstərdi ki, yalnız məktəb-valideyn əlaqəsi, problemlərə həssas yanaşma uşaqların qarşıdakı buraxılış və qəbul imtahanları gedişində onların stressdən qorunmasını və sağlamlığını təmin edə bilər. Məktəbin direktoru Südabə Abdullayeva valideynlərlə görüşdə bir daha bildirdi ki, 11-cilərin səmərəli və yüksək təlim nəticələri əldə etmələri istiqamətində görüləcək işlər pedaqoji heyətinin qarşısında duran başlıca vəzifədir.