ÜMÜMDÜNYA İRS ŞƏHƏRİNDƏ BİR GÜN
1 dekabrda məktəbimizin 10 və 11-ci sinif şagirdlərindən ibarət qrup İçərişəhər Dövlət Tarix-Memarlıq Qoruğu ərazisində çəkilişdə oldu. Məqsədimiz “Ümumdünya İrs şəhərində bir gün” adlı beynəlxalq video-çarx müsabiqəsində iştirak etmək idi. Müsabiqənin şərtlərinə əsasən beş dəqiqəlik video-çarx aşağıdakı meyarlar əsasında qiymətləndiriləcəkdir:
- 20% çəkiliş keyfiyyəti
- 40% video-çarxın əhatə etdiyi məzmun dolğunluğu
- 40% yaradıcılıq
Şagirdlərimiz İçərişəhərdə yaddaqalan bir gün yaşadılar. Hazırlanmış video-çarx ingilis diində səsləndirildi. Müsabiqəyə 8-ci sinif şagirdi Şərifli İbrahim, 10-cu sinif şagirdlərindən Fərəh, İlhamiyə, Elçin, 11-ci sinif şagirdlərindən Coşqun və Nərgiz qoşulmuşdular. Coşqun Qız Qalasının tarixi, Fərəh və İlhamiyə Şirvanşahlar dövləti, İbrahim İçərişəhər məscidi, Elçin isə İçərişəhərin dar küçələri, milli mətbəximizin gözəl nümunələri haqqında məlumat verdi.Video-çarxı ecazkar Azərbaycan musiqisi müşayiət etdi.
