"Beynəlxalq olimpiadalar"la bağlı görüş
Bu gün məktəbimizdə Suraxanı rayon məktəblərinin direktorlarının iştirakı ilə görüş keçirildi. "İstedadlı şagirdlərin seçilməsi və onlarla işin təşkili" qrant-layihəsinə uygun olaraq keçirilən görüş-tədbirdə əsas mövzu "Beynəlxalq olimpiadalar" oldu. Təhsil İnstitutunun İstedadlı uşaqlarla iş şöbəsinin müdiri Fuad Qarayev çıxış edərək məktəb turunun könüllü əsaslarla, rayon-şəhər mərhələsinin isə Təhsil Nazirliyi tərəfindən keçiriləcəyini qeyd etdi. O bu il yenilik olaraq, müəllimlərin də müsabiqəyə qoşulmasının gözlənildiyini, müsabiqədə qalib gələn müəllimlərin şagirdləri olimpiadaya hazırlaşdırmaq imkanı qazanacağını bildirdi.
