Narkomaniya Ağ ölüm
8 Noyabrda Suraxanı rayonu 33-cü Polis Bölməsinin rəisi Tuncay Abbasovun və bölmənin əməkdaşlarının iştirakı ilə məktəbimizdə ”Narkomaniya - ağ ölüm” adlı tədbir keçirildi. Onlar çıxış edərək qeyd etdilər ki, ağ ölümə yoluxanların sayı dünyada durmadan artır və onlar hazırda dünyada 250 milyon nəfərdir. İnsanları ölümün ağuşuna atan və genofonda ağır zərbə vuran bu bəla bizim dövlətdən də yan keçməyib. Azərbaycan Respublikası Prezidenti tərəfindən “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013 – 2018 –ci illər üçün Dövlət Proqramı” nın təsdiq edilməsi, çıxışlarda bu dəhşətli bəlaya qarşı mübarizə sahəsində atılmış ən xeyirxah addım kimi dəyərləndirildi.