Milli müstəqillik günü
1991 – ci ilin bir payız günü uzun- uzadı qızğın müzakirələrdən sonra “Azərbaycanın dövlət müstəqilliyi haqqında Konstitusiya Aktı” qəbul olundu. Bununla da Azərbaycanın tarixində yeni dövrün başlanğıcı qoyuldu. İndi müstəqilliyimizin siyasi və iqtisadi sütunları getdikcə möhkəmlənir. Xalqın öz dövlətçiliyi sarıdan heç bir narahatçılığı yoxdur. Müstəqilliyin taleyini müəyyənləşdirən əsas amillər qorunub saxlanılır, inkişaf etdirilir. Dövlətçiliyin möhkəmləndirilməsinə, iqtisadiyyatın inkişafına, milli-mənəvi dəyərlərin qorunub saxlanılmasına eyni dərəcədə diqqət yetirilir. Məktəbin fəaliyyət planına uyğun olaraq bu həftə ərzində məktəbimizdə “Müstəqillik” gününə aid təşkilat saatları keçirilmişdir. Şagirdlər bu mövzunu dərindən mənimsəyərək xeyli məlumat əldə etmişlər.
