Bilik Günü
15 Sentyabr- Bilik Günüdür. Bu əlamətdar gün respublikanın bütün ümumtəhsil məktəblərində olduğu kimi, bizim məktəbimizdə də qeyd edildi. Direktor Südabə Abdullayeva tədbir iştirakçılarını, müəllim və şagird kollektivini salamladı və yeni dərs ilinin başlanması münasibətilə hamını təbrik etdi. Direktor öz çıxışında Bilik Günü ilə yanaşı, sentyabrın 15-nin həm də Bakının bolşevik hərbi birləşmələrinin yadelli işğalçılardan azad edilməsinin 100-cü ildönümü olduğunu vurğuladı.Tədbirdə iştirak edən qonaqlar çıxış edərək müəllim və şagird kollektivini təbrik etdilər, onlara vətənpərvər olmağı və dərslərində müvəffəqiyyət qazanmağı arzuladılar. Aprel döyüşlərində öz şücaəti ilə qəhrəmanlıq göstərən Əliyev Eldar Rafiq oğlu da çıxış edərək həm valideyn, həm də veteran kimi öz ürək sözlərini çatdırdı . Məktəbimizin qocaman müəlimləri çıxışlarında bütün şagirdlərə, xüsusən birincilərə yeni dərs günü münasibətilə uğurlar dilədilər. Məktəbin bu il yüksək balla ali məktəblərə qəbul olunan məzunları da Bilik Günü münasibətilə şagirdləri təbrik etdilər, uğur qazanmaq üçün dərsə ciddi və məsuliyyətlə yanaşmağı tövsiyə etdilər. Məktəbin şagirdləri ədəbi-bədii kompozisiya ilə çıxış etdilər. Sonda ilk zəng çalındı.
