Narkomaniya Ağ Ölüm
Martın 15 –i məktəbimizdə Bakı şəhər Baş Polis İdarəsinin əməkdaşları ilə şagird kollektivinin görüşü keçirilib.Görüşdə Bakı şəhər Baş Polis İdarəsinin İctimai Təhlükəsizlik İdarəsinin Yetkinlik yaşına çatmayanlarla profilaktik işin təşkili bölməsinin rəis polkovnik leytnantı Məryəm Ömərova maarifləndirici söhbətlər apararaq şagirdlərin nəzərinə çatdırmışdır ki, narkomaniyanın törətdiyi dəhşətli fəsadlar əsrin bəlasına çevrilib. Daha sonra Bakı Şəhər Baş Polis İdarəsinin Narkotiklərlə Mübarizə İdarəsinin baş əməliyyat müvəkkili polis mayoru Nail Ömərov və Suraxanı Rayon Polis İdarəsinin Narkotiklərlə Mübarizə İdarəsinin əməkdaşı çıxış edərək qeyd etdilər ki, bu ağ ölümə yoluxanların sayı dünyada durmadan artır və hazırda 250 milyon nəfərdir. İnsanları ölümün ağuşuna atan genofonda sarsıdıcı zərbələr endirən bu sağalmaz xəstəlik bizim dövlətdən də yan keçməyib. Bu məqsədlə Azərbaycan Respublikasının Prezidentinin“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013 – 2018 –ci illər üçün Dövlət Proqramı” nın təsdiq edilməsi barədə imzaladığı sərəncamı insanları sağalmaz xəstəliyə düçar edən bu dəhşətli bəlaya qarşı mübarizə sahəsində atılmış ən xeyirxah addım kimi dəyərləndirmək gərəkdir.
