Yaşıl layihə: “Təbiəti qoruyanlar”
Bakı Şəhəri üzrə Təhsil İdarəsinin tabeliyində olan ümumtəhsil müəssisələrində Yaşıl layihə: “Təbiəti qoruyanlar” layihəsinə start verilib. Layihənin məqsədi təhsilalanların ekoloji maarifləndirilməsi, bu sahə üzrə biliklərinin və tədqiqatçılıq bacarıqlarının artırılması, istedadlı və yaradıcı şagirdlərin aşkara çıxarılması, müəllim-şagird və məktəblilərarası əməkdaşlığın inkişafı, təbiət fənlərinin digər fənlərə inteqrasiyasının təşkili, ətraf mühitin və ekologiyanın mühafizəsi, təbii sərvətlərin qorunması və onlardan səmərəli istifadə edilməsi, müvafiq qlobal problemlərin həllinə dəstək verilməsindən ibarətdir. Məktəbdə Bakı Şəhəri Təhsil İdarəsinin F-138 nömrəli əmri ilə təsdiq olunmuş Tədbirlər Planında fəaliyyətlər üzrə iş bölgüsü aparılmışdır. Bu məqsədlə də Natəvan müəllimin təşkilatçılığı və 4 "Ç" sinif şagirdlərinin iştirakı ilə 1 İyun- Uşaqların Beynəlxalq Müdafiəsi günündə təbiət qoynuna ekskursiya təşkil olunmuşdur. Ekskursiya zamanı şagirdlər təbiəti qorumaq, mühafizə etməyin nə qədər vacib məsələ olması haqqında ətraflı məlumat əldə ediblər.
