5 "E" sinfində xüsusi dərs
9 May- Qələbə Günü ilə əlaqədar xüsusi dərs təşkil olundu. Dərs Nərmin Səfərlinin təşəbbüsü və 5 "E" sinif şagirdlərinin iştirakı ilə baş tutdu. Dərs zamanı şagirdlər iki dəfə Sovet İttifaqı Qəhrəmanı adına layiq görülmüş həmyerlimiz Həzi Aslanovun, İsrafil Məmmədovun, Azərbaycan şahini Hüseynbala Əliyevin, Mehdi Hüseynzadənin, Gəray Əsədovun, komandirinin həyatını xilas etmək üçün sinəsini düşmən gülləsinə sipər edən dənizçi Qafur Məmmədovun, partizan hərəkatının fəal iştirakçısı, «Fransanın Milli Qəhrəmanı» fəxri adına layiq görülmüş Əhmədiyyə Cəbrayılovun, qadınlarımızdan təyyarəçi Züleyxa Seyidməmmədovanın, snayperçi Ziba Səlimovanın, gəmi kapitanı Şövkət Səlimovanın və başqa həmvətənlərimizin adları dillər əzbəri olmuş, tarixə düşmüş qəhrəmanlarımız haqqında geniş məlumatlarla maarifləndirildilər.
