“Təbiəti qoruyanlar” layihəsi - 0 "B" sinfi
Bakı Şəhəri üzrə Təhsil İdarəsinin tabeliyində olan ümumi təhsil müəssisələrində “Təbiəti qoruyanlar” layihəsinə start verilib.
Layihənin məqsədi təhsilalanların ekoloji maarifləndirilməsi, bu sahə üzrə biliklərinin və tədqiqatçılıq bacarıqlarının artırılması, istedadlı və yaradıcı şagirdlərin aşkara çıxarılması, müəllim-şagird və məktəblilərarası əməkdaşlığın inkişafı, təbiət fənlərinin digər fənlərə inteqrasiyasının təşkili, ətraf mühitin və ekologiyanın mühafizəsi, təbii sərvətlərin qorunması və onlardan səmərəli istifadə edilməsi, müvafiq qlobal problemlərini həllinə dəstək verilməsindən ibarətdir.
Məktəbdə Bakı Şəhəri Təhsil İdarəsinin F-138 nömrəli əmri ilə təsdiq olunmuş Tədbirlər Planında fəaliyyətlər üzrə iş bölgüsü aparılmışdır.
Bu məqsədlə də tədbirlər Planının " Təqvim ilinin yaz və payız aylarında hava şəraitinə uyğun olaraq dərs cədvəli və məktəb şəraiti nəzərə alınmaqla dərslərin açıq havada təşkili" 12.1. Bəndinə müvafiq olaraq "Təbiəti qoruyanlar” adlı “Ətraf aləmlə tanışlıq” dərsi keçirildi. Mətanət Bayramovanın təşkilatçılığı və 0 "B" sinfinin şagirdlərinin iştirakı ilə məktəbin həyətyanı sahəsində dərs zamanı uşaqlar təbiəti qorumaq, mühafizə etməyin nə qədər vacib məsələ olması haqqında genişmiqyaslı məlumat əldə etdi.
